మోహన్‌బాబు సినీ ప్రస్థానానికి ఈ యేటితో ౫౦ ఏళ్లు. ప్రస్తుతం మంచు ఫ్యామిలీ అత్యంత ప్రతిష్టాత్మకంగా తెరకెక్కిస్తున్న ప్రాజెక్ట్ ‘కన్నప్ప’లో ఆయన ఓ ముఖ్య పాత్ర పోషిస్తున్నారు. ఇప్పటికే ఈ మూవీ నుంచి విష్ణుతోపాటు ప్రముఖుల ఫస్ట్ లుక్‌లను పంచుకున్న చిత్రబృందం తాజాగా మోహన్‌బాబు ఫస్ట్‌లుక్ పోస్టర్‌ను విడుదల చేసింది. మహదేవ్ శాస్త్రి అనే పవర్‌ఫుల్ రోల్‌లో మోహన్‌బాబు కనిపించబోతున్నట్టు మూవీ టీమ్ వెల్లడించింది.

ప్రస్తుతం ఈ లుక్ వైరల్‌గా మారింది. దాదాపు రూ.100 కోట్ల బడ్జెట్‌తో రూపొందు తున్న ఈ సినిమాకు మోహన్ బాబే నిర్మాత. ‘మహాభారతం’ సీరియల్ ఫేమ్ ముఖేష్‌కుమార్ సింగ్ దర్శకత్వం వహిస్తుండగా, మంచు విష్ణు కథానాయకుడిగా నటిస్తున్నారు. హిస్టారికల్ బ్యాక్ డ్రాప్‌లో వస్తున్న ఈ చిత్రంలో ప్రభాస్‌తోపాటు బాలీవుడ్, కోలీవుడ్ అగ్ర తారలు భాగమవుతున్న సంగతి తెలిసిందే.