16 November, 2024 | 2:23 AM
బుగ్గ దేవాలయంలో వైభవంగా కార్తీక పూజలు
11-11-2024 01:03:44 PM
బెల్లంపల్లి (విజయక్రాంతి): బెల్లంపల్లి మండలంలోని శ్రీ బుగ్గ రాజరాజేశ్వర స్వామి దేవస్థానంలో సోమవారం భక్తులు కార్తీక పూజలను వైభవంగా జరుపుకున్నారు. కార్తీక సోమవారం కావడంతో మహిళలు ఉసిరి దీపాలను వెలిగించి పూజలు చేశారు. కోనేటిలో పుణ్యస్నానాలు ఆచరించి రాజరాజేశ్వరునికి మొక్కులు తీర్చుకున్నారు. నియోజకవర్గంలోని బెల్లంపల్లి, తాండూరు, భీమిని, నెన్నెల, కాసిపేట మండలాల నుండి పెద్ద ఎత్తున భక్తులు తరలి రావడంతో బుగ్గ దేవస్థానానికి కార్తీక శోభ చేకూరింది.
