హీరో విశాల్ నటించిన ‘మదగజరాజా’ చిత్రం దాదాపు 12 ఏళ్ల తర్వాత సంక్రాంతికి కోలీవుడ్‌లో విడుదలైంది. జెమిని ఫిలిం సర్క్యూట్ సంస్థ నిర్మించిన ఈ చిత్రం12 ఏళ్ల తర్వాత విడుదలైనా కూడా బాక్సాఫీస్‌ను షేక్ చేసింది. సి. సుందర్ దర్శకత్వంలో రూపొందిన ఈ చిత్రంలో హీరోయిన్ సదా కూడా ఒక స్పెషల్ సాంగ్‌లో స్టెప్పులేసింది.

ఈ సినిమాలో అంజలి, వరలక్ష్మి శరత్ కుమార్ కథానాయికలుగా నటించారు. ఇప్పుడు తెలుగు వర్షన్ కూడా విడుదలకు సిద్ధంగా ఉంది. ఇటీవల విడుదలైన తెలుగు ట్రైలర్ ప్రేక్షకులను ఎంతగానో ఆకట్టుకుంది. ఈ నెల 31న సత్య కృష్ణన్ ప్రొడక్షన్స్ ద్వారా తెలుగులో విడుదల కానుంది.

ఈ క్రమంలోనే సినిమా ప్రి రిలీజ్ ఈవెంట్‌ను సోమవారం హైదరాబాద్‌లో నిర్వహించారు. ఈ కార్యక్రమానికి అంజలి, వరలక్ష్మి శరత్ కుమార్, చిత్ర యూనిట్ సభ్యులు హాజరయ్యారు.