గత ఏడాది విడుదలైన ‘మ్యాడ్’ చిత్రం ప్రేక్షకారణ పొందింది. నార్నే నితిన్, సంగీత్ శోభన్, రామ్ నితిన్ ప్రధాన పాత్రలు పోషించిన ఈ వినోదాత్మక సినిమాకు సీక్వెల్‌గా కొన్ని నెలల క్రితం చిత్రబృందం ‘మ్యాడ్ స్క్వేర్’ను ప్రకటించిన విషయం తెలిసిందే. ఈ ప్రకటనతోనే ఈ సినిమాపై భారీ అంచనాలు ఏర్పడ్డాయి. ఈ క్రమంలో నిర్మాతలు ఈ చిత్రం నుంచి మొదటి గీతాన్ని సెప్టెంబర్ 20న విడుదల చేయనున్నట్టు వెల్లడించారు. సంప్రదాయ దుస్తుల్లో ఉన్న మ్యాడ్ గ్యాంగ్ ఫస్ట్‌లుక్ పోస్టర్‌ను కూడా విడుదల చేశారు. ఇందులో నటీనటుల లుక్ మొదటి భాగానికి పూర్తి భిన్నంగా ఉంది. ఈ మూవీని శ్రీకర స్టూడియోస్‌తో కలిసి సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ సంస్థలు రూపొందిస్తున్నాయి. సూర్యదేవర నాగవంశీ సమర్పిస్తున్న ఈ చిత్రానికి సంగీతం: భీమ్స్ సిసిరోలియో; కూర్పు: నవీన్ నూలి; ఛాయాగ్రహణం: షామ్‌దత్; నిర్మాతలు: హారిక సూర్యదేవర, సాయి సౌజన్య; రచన, దర్శకత్వం: కళ్యాణ్ శంకర్.