ఈ నెలాఖరు వరకే ఎల్అర్ఎస్ ఫీజు చెల్లింపు తుది గడువు..

జిల్లా కలెక్టర్ విజయేందిర బోయి..

మహబూబ్ నగర్ (విజయక్రాంతి): ఎల్అర్ఎస్ ఫీజు తప్పక చెల్లించి ఈ నెలాఖరుకు ఉన్న సమయాన్ని సద్వినియం చేసుకోవాలని జిల్లా కలెక్టర్ విజయేందిర బోయి అన్నారు. నెలాఖరులోగా దరఖాస్తుదారులు ఎల్అర్ఎస్ ఫీజు చెల్లించి 25 శాతం రాయితీ సద్వినియోగం సూచించారు. ఎల్అర్ఎస్ కు ఈ నెలాఖరు వరకు మాత్రమే గడువు మిగిలి ఉందని, 2020లో దరఖాస్తు చేసుకున్న లేఅవుట్ యజమానులు, డెవలపర్లు, ప్లాట్ల యజమానులు ఈ నెలాఖరు మార్చి 31 లోగా ఫీజు చెల్లించి ప్రభుత్వం కల్పిస్తున్న 25 శాతం రాయితీ సదుపాయాన్ని సద్వినియోగం చేసుకోవాలని, గడువు పొడిగింపు ఉండదన్నారు. ఎల్ఆర్ఎస్ పై లేఅవుట్ డెవలపర్లు, సర్వేయర్లు, డాక్యుమెంట్ రైటర్ లకు యజమానులకు అవగాహన కార్యక్రమాలు నిర్వహించడం జరిగిందని తెలిపారు.

ఎల్ఆర్ఎస్ కు దరఖాస్తు చేసుకున్న దరఖాస్తుదారులు లేఅవుట్, ప్లాట్ ల యజమానులు రెగ్యులరైజ్ చేసుకోవాలని అన్నారు. ప్రభుత్వ నియమ నిబంధనల మేరకు అనుమతులు ఇవ్వడం జరుగుతుందన్నారు. నిషేధిత స్థలం, చెరువు, కుంట కింద లేకుంటే ప్లాట్ల యజమాని ఫోన్ కు నేరుగా ఎంత డబ్బులు కట్టాలో సమాచారం వెళుతుందన్నారు. ఎల్ఆర్ఎస్ ఉంటే ప్లాటుకు రక్షణ ఉంటుందని, ఎవరు అక్రమించుకోడానికి అవకాశం ఉండదని అదేవిధంగా లే అవుట్ ప్లాట్ల ప్రాంతాన్ని మున్సిపాలిటీ ద్వారా అభివృద్ధి చేసే అవకాశం ఉంటుందన్నారు. భవిష్యత్తులో ప్లాటు అమ్ముకోవాలనుకున్న ఎల్ఆర్ఎస్ ఉన్న ప్లాటుకు మంచి డిమాండు ఉంటుందని తెలియజేశారు.

ఎల్అర్ఎస్ కు సంబంధించి దరఖాస్తుదారులు, ప్లాటు యజమానులు ఏవైనా సందేహాలు లేదా వివరాల కోసం కలెక్టరేట్ టోల్ ఫ్రీ నెంబర్ 08542-241165, మహబూబ్ నగర్, నగర పాలక సంస్థ లో హెల్ప్ లైన్ నెంబర్ 7093911352 ను సంప్రదించవచ్చని తెలిపారు. ఈ టోల్ ఫ్రీ నెంబర్ ద్వారా ప్రతి రోజు ఉదయం 10 గంటల నుండి సాయంత్రం 6 గంటల వరకు సమాచారం పొందవచ్చని అన్నారు. ఎల్అర్ఎస్ దరఖాస్తుదారులు https://lrs.telangana.gov.in వెబ్ సైట్ లాగిన్ ద్వారా కూడా ఫీజు చెల్లించవచ్చని తెలిపారు. మున్సిపల్ కమిషనర్లు, పంచాయతీ అధికారులు బిల్డర్లు, లే అవుట్ ప్లానర్ ప్లాటు యజమానులతో సంప్రదించి ప్రభుత్వం కల్పించిన అవకాశాన్ని సద్వినియోగం చేసుకునే విధంగా చూడాలని కోరారు.