హీరో వెంకటేశ్, దర్శకుడు అనిల్ రావిపూడి కాంబోలో వస్తున్న మూడో చిత్రం వెంకటేశ్వర క్రియేషన్స్ పతాకంపై రూపొందుతోంది. ఇందులో వెంకటేశ్ మాజీ పోలీస్ ఆఫీసర్‌గా కనిపించనుండగా, ఐశ్వర్య రాజేశ్ అతని భార్య పాత్రను పోషిస్తోంది. మరో నాయిక మీనాక్షి చౌదరి ఈ త్రికోణ క్రైమ్ డ్రామాలో కథానాయకుడి మాజీ ప్రేయసిగా నటిస్తోంది. ఈ సినిమా తాజా షెడ్యూల్ ప్రస్తుతం పొల్లాచ్చిలో జరుగుతోంది.

అక్కడి కొన్ని అందమైన ప్రదేశాల్లో వెంకటేశ్, ఐశ్వర్య రాజేశ్‌లపై భార్యాభర్తల మధ్య ప్రేమను తెలిపే ఓ పాటను చిత్రీకరించారు. భీమ్స్ సిసిరోలియో ఈ పాటకు సంగీతం సమకూర్చగా, భాస్కరభట్ల సాహిత్యాన్ని అందించారు. డ్యాన్స్ కొరియోగ్రఫీని భాను మాస్టర్ పర్యవేక్షిస్తున్నారు. ఇంకా టైటిల్ ఖరారు కాని ఈ చిత్రం వచ్చే సంక్రాంతి సందర్భంగా విడుదల కానుంది.