‘తండేల్’ పాటలకు వచ్చిన స్పందన ఆనందాన్నిచ్చింది: దేవిశ్రీ ప్రసాద్

అక్కినేని నాగచైతన్య, సాయిపల్ల వి జంటగా నటిస్తున్న చిత్రం ‘తండేల్’. చందు మొండేటి దర్శకత్వంలో బన్నీవాసు నిర్మించిన ఈ సినిమాకు దేవిశ్రీ ప్రసాద్ సంగీత సారథ్యం వహించారు.

ఈ సినిమాకు ఆయన అందించిన పాటలన్నీ చార్ట్ బస్టర్ హిట్స్‌గా ప్రస్తుతం టాప్ ట్రెండింగ్‌లో ఉన్నాయి. ఫిబ్రవరి 7న ప్రపంచవ్యాప్తం గా విడుదల కానున్న నేపథ్యంలో చిత్రబృందం ప్రమోషన్స్‌లో జోరు పెంచింది. ఈ ప్రచారంలో భాగంగా మ్యూజిక్ డైరెక్టర్ దేవిశ్రీ ప్రసాద్ తాజాగా చిత్ర విశేషాలను పంచుకున్నారు. 

లవ్ స్టొరీ అనగానే మీ పేరే వినిపిస్తుంటుంది..? ఎలా అనిపిస్తుంది?  

నా కెరీర్ ప్రారంభంలో చేసిన ‘నువ్వొస్తావంటే నేనొద్దంటానా?’, ‘వర్షం’, ‘ఆర్య’, ‘100% లవ్’ లాంటి లవ్ స్టొరీస్‌తోపాటు శంకర్ దాదా, మాస్ లాంటి కమర్షియల్ సినిమాలుకు కూడా అంతే అద్భుతమైన రెస్పాన్స్ ఆడియన్స్ నుంచి వచ్చింది.

ఎలాంటి సినిమా అయినా చేయగలననే పేరు రావడం, అందులో లవ్ స్టోరీస్‌కు నేనైతే బావుంటానని అందరూ భావించడం గాడ్ బ్లెస్సింగ్‌గా భావిస్తాను. ప్రేమ కథలు ఎవర్ గ్రీన్. అందరూ రిలేట్ చేసుకునేలా ఉంటాయి. ప్రేమ పాటలు ఎక్కువ కాలం నిలబడతాయి. బన్నీకి ఇప్పటికీ ఓ కోరిక ఉంది.

ఆరుకు ఆరు లవ్ సాంగ్స్ ఉండే లవ్ స్టొరీ చేయాలని. మొన్న ఓ పేపర్ మీద గుర్తుపెట్టుకో మనం అలాంటి సినిమా చేద్దామని రాసిచ్చారు (నవ్వుతూ). ‘తండేల్’ మ్యూజిక్ డైరెక్టర్ దేవినే అని, ఫిక్స్ అయిపోవాని బన్నీ ముందే అల్లు అరవింద్‌తో చెప్పారు. 

ఈ సినిమాలో మిమ్మల్ని ఆకట్టుకున్న అంశాలేంటి? 

డైరెక్టర్ చందూ గ్రేట్ విజన్‌తో సినిమా తీశాడు. చాలా అద్భుతంగా ప్రజెంట్ చేశాడు. చైతు ఈ సినిమా కోసం చాలా హార్డ్ వర్క్ చేశారు. ఆయన ట్రాన్స్ఫర్మేషన్, పెర్ఫార్మెన్స్ చాలా సర్ ప్రైజింగ్‌గా ఉంటుంది. ఎమోషన్స్ చాలా అద్భుతంగా పండించారు. ప్రేక్షకులు కొత్త నాగచైతన్యను చూడబోతున్నారు.

సాయిపల్లవి పెర్ఫార్మెన్స్ ఎక్స్‌ట్రార్డినరీగా ఉంటుంది. కళ్లతో కూడా పెర్ఫార్మెన్స్ ఇచ్చారు. ఈ ఇద్దరి కెమిస్ట్రీ అదిరిపోయింది. సెకండ్ హాఫ్‌లో వచ్చే ఓ సీక్వెన్స్ చాలా అద్భుతంగా ఉంటుంది. అది బిగ్ స్క్రీన్‌పైనే చూడాలి. ఇంకా ఇందులో చాలా మంచి యాక్షన్, బోట్ సీక్వెన్స్‌లు ఉన్నాయి. ఫైట్ సీక్వెన్స్‌లు చాలా బాగా తీశారు.

‘తండేల్’ పాటలన్నీ చాలా పెద్ద హిట్ అయ్యాయి..  

-చాలా హ్యాపీ. చాలా రోజుల తర్వాత వస్తున్న లవ్ స్టొరీ. బుజ్జితల్లి రిలీజైన వెంటనే ట్రెమండస్ రెస్పాన్స్ వచ్చింది. డైరెక్టర్ సుకుమార్ పాట విని నీ ఆల్ టైమ్ టాప్ ఫైవ్‌లో ఉంటుదని చెప్పారు. శివుని పాట, హైలెస్సో పాట గొప్పగా జనాల్లోకి వెళ్లాయి. ఆడియన్స్ సాంగ్స్‌ను చాలా ఎంజాయ్ చేస్తున్నారు. 

బుజ్జితల్లి పాట ఎలా పుట్టింది?

-కథ చెప్పినప్పుడే కొన్ని ట్యూన్స్ వచ్చేస్తాయి. బుజ్జితల్లి ట్యూన్ కూడా అలా వచ్చింది. హమ్ చేస్తూ పియానో ప్లే చేశాను. ఆ వీడియో చందూ షూట్ చేసి పోస్ట్ చేశాడు. అప్పుడు వచ్చిన ట్యూన్ అది.

పాట మధ్యలో అమ్మాయి పేరు వస్తే చాలా అందంగా ఉంటుంది. ఈ పాట మధ్యలో కూడా బుజ్జితల్లి అనే వర్డ్‌కి మంచి ప్లేస్‌మెంట్ దొరికింది. పాట రిలీజైన వెంటనే వైరల్ అయి ట్రెండ్ అవ్వడం చాలా ఆనందాన్నిచ్చింది.

అప్ కమింగ్ ప్రాజెక్ట్స్ గురించి చెప్పండి... 

‘కుబేర’ ఇంట్రస్టింగ్‌గా ఉంటుంది. డిఫరెంట్ కైండ్ ఆఫ్ ఫిల్మ్.