పెళ్లిని పెద్దలు అంగీకరించలేదని బలవన్మరణం

కామారెడ్డి జిల్లాలో కలకలం రేపిన  విషాద ఘటన

కామారెడ్డి (విజయక్రాంతి): కామారెడ్డి జిల్లాలో ఓ ప్రేమ జంట ఆత్మహత్యకు పాల్పడింది. ప్రేమ పెళ్లిని పెద్దలు అంగీకరించలేదని ఆ జంట అఘాయిత్యానికి పాల్పడింది. గ్రామస్తుల కథనం ప్రకారం వివరాలు ఇలా ఉన్నాయి... కామారెడ్డి జిల్లా బీబీపేట మండలం కోనాపూర్ లో శనివారం వెలుగు చూసింది. కోనాపూర్ గ్రామానికి చెందిన చెందిన సాయికుమార్, వీణ కులాలు వేరువేరు. గత కొంతకాలంగా ఇద్దరు ప్రేమించుకుంటున్నారు. పెళ్లి చేసుకుందామని నిశ్చయించుకున్నారు. తల్లిదండ్రులకు ఇరువురు పెళ్లి విషయం చెప్పారు. కులాలు వేరు కావడంతో తల్లిదండ్రులుప్రేమ వివాహానికి ఒప్పుకోలేదు. దీంతో మనస్థాపం చెందిన సాయికుమార్, వీణలు చెట్టుకు ఉరి వేసుకొని ఆత్మహత్యకు పాల్పడ్డారు. ఈ సంఘటన కామారెడ్డి జిల్లాలో కలకలం రేపింది.