హైదరాబాద్: కరీంనగర్ జిల్లా(Karimnagar district) వావిలాలపల్లిలో ప్రేమజంట(Love Couple) ఆత్మహత్య చేసుకుంది. పోలీసులు తెలిపిన వివరాల ప్రకారం,  అరుణ్ కుమార్ (24), అలేఖ్య (21) వావిలాలపల్లిలోని యెరుకలవాడలో స్నేహితుడి గదిలో ఉరివేసుకుని మరణించారు. అరుణ్ కుమార్ కరీంనగర్ పట్టణంలోని ఒక ప్రైవేట్ ఆసుపత్రిలో ల్యాబ్ టెక్నీషియన్‌గా పనిచేస్తున్నాడు. ప్రేమ వివాహానికి(love marriage) పెద్దలు ఒప్పుకోకపోవడంతో అరుణ్, అలేఖ్య ప్రాణాలు తీసుకున్నట్లు పోలీసులు తెలిపారు. ఈ విషాద ఘటనపై కేసు నమోదు చేసుకున్న పోలీసులు అలేఖ్య, అరుణ్ మృతదేహాలను కరీంనగర్ జిల్లా ప్రభుత్వం ఆసుపత్రికి తరలించారు. మృతులను భూపాలపల్లి జిల్లా చిట్యాలకు చెందినవారిగా పోలీసులు గుర్తించారు.