రవితేజ తమ్ముడు రఘు కొడుకు మాధవ్ హీరోగా నటిస్తున్న సినిమా ‘మిస్టర్ ఇడియట్’. ఈ చిత్రంలో సిమ్రాన్ శర్మ హీరోయిన్. దర్శకురాలు గౌరీ రోణంకి డైరెక్ట్ చేస్తున్న ఈ సినిమాను జేజేఆర్ రవిచంద్ నిర్మిస్తున్నారు. త్వరలోనే థియేటర్ల ద్వారా ప్రేక్షకుల ముందుకు రానున్న ఈ చిత్రం నుంచి మేకర్స్ తాజాగా ‘కావాలయ్యా..’ అనే లిరికల్ సాంగ్‌ను సంగీత దర్శకుడు తమన్‌తో విడుదల చేయించారు.

ఈ పాటకు అనూప్ రూబెన్స్ స్వరాలు సమకూర్చగా, భాస్కరభట్ల సాహిత్యం అందించారు. ‘కళ్లల్లోకి కళ్లు పెట్టి అదోలా చూశావయ్యా.. మాటల్తోనే మనసుకు మందే పెట్టావయ్యా.. తస్సాదియ్యా తస్సాదియ్యా.. పచ్చి పచ్చిగ చెప్పాలంటే పిచ్చిగ ఫిదా అయ్యా.. పూవుల్తోటి పొట్లం గట్టి మేరె దిల్ దియా.. చూస్కోవయ్యా తీస్కోవయ్యా.. కావాలయ్యా నువ్వే కావాలయ్యా...’ అంటూ మంగ్లీ పాడిన ఈ పాట ఆకట్టుకుంటోంది.