బెంగళూరు: టీమిండియా స్టార్ బ్యాటర్ విరాట్ కోహ్లీ 2027 వరకు ఐపీఎల్‌లో ఆడే అవకాశముందంటూ సంకేతాలు ఇచ్చాడు. ఐపీఎల్ ఆరంభం నుంచి రాయల్ చాలెంజర్స్ బెంగళూరు (ఆర్సీబీ) తరఫున ఆడిన కోహ్లీని ఆ జట్టు యాజమాన్యం తాజాగా రూ. 21 కోట్లు వెచ్చించి రిటైన్ చేసుకున్న సంగతి తెలిసిందే.

ఈ సందర్భంగా శనివారం కోహ్లీ ఆర్సీబీ తరఫున మూడేళ్లు ఆడే అవకాశం ఉందంటూ సోషల్ మీడియా వేదికగా హింట్ ఇచ్చాడు. ‘2027 నాటికి ఆర్సీబీతో నా బంధం 20 ఏళ్లకు చేరుకుంటుంది. బహుశా అప్పటివరకు ఆడుతానేమో. ఇన్నాళ్లు ఒకే జట్టుకు ఆడడం సంతోషంగా అనిపిస్తోంది’ అని కోహ్లీ పేర్కొన్నాడు.