2 November, 2024 | 9:06 PM
తిరుమలలో చిరుతపులి కలకలం
15-05-2024 01:42:36 PM
అమరావతి : తిరుమల తిరుపతి దేవస్థానంలో మరోసారి చిరుతపులి సంచారం కలకలం రేపింది. తిరుపతి నుంచి తిరుమలకు వెళ్లే ఘాట్‌ రోడ్డులో చిరుత సంచరిస్తోంది. బుధవారం తెల్లవారుజామున భక్తుల కారుకు చిరుత అడ్డు వచ్చింది. ఈ దృశ్యాలు సీసీ కెమెరాల్లో రికార్డు అయ్యాయి. దీంతో ఫారెస్ట్‌ అధికారులు సంఘటన స్థలానికి చేరుకొని స్థానికులు, భక్తులను అప్రమత్తం చేశారు. త్వరలోనే చిరుతను పట్టుకుంటామన్నారు. గతంలో కూడా ఇదే ప్రదేశంలో చిరుత పులులు పలుమార్లు కనిపించడంతో భక్తులు ఆందోళన చేస్తున్నారు.
