గాంధీనగర్: గుజరాత్‌లోని గిర్ సోమనాథ్(District Gir Somnath) జిల్లాలో 76 ఏళ్ల వృద్ధురాలిని చిరుతపులి చంపిందని అటవీ అధికారి బుధవారం తెలిపారు. దివాలిబెన్ జోగియా (76) మంగళవారం మధ్య రాత్రి ఫరేడా గ్రామంలోని తన ఇంటి ఓపెన్ ఫ్రంట్ భాగంలో నిద్రిస్తున్నప్పుడు జంతువు దాడి చేసిందని ఆయన చెప్పారు. ఈ గ్రామం బబారియా అటవీ పరిధిలోకి వస్తుంది. "చిరుతపులి(Leopard) తల, మెడపై తీవ్రమైన గాయాలతో ఆమెను వదిలి పారిపోయింది. ఆమెను ప్రభుత్వ ఆసుపత్రికి తరలించగా, వైద్యులు ఆమె చనిపోయినట్లు ప్రకటించారు" అని అధికారి తెలిపారు.

చిరుతను పట్టుకునేందుకు అటవీ శాఖ అధికారులు(Forest Department officials) ఆ ప్రాంతంలో బోనుల ఉచ్చులు వేస్తున్నారు. పొరుగున ఉన్న అమ్రేలి జిల్లాలో ఏడేళ్ల బాలిక తన తల్లిదండ్రులతో కలిసి పత్తి పొలంలో పని చేస్తున్నప్పుడు చిరుతపులి ఆమెను చంపిన రెండు రోజుల తర్వాత ఈ సంఘటన జరిగింది. సమీపంలోని గిర్ జాతీయ ఉద్యానవనం(Gir National Park) ఆసియాటిక్ సింహాల జనాభాకు నిలయంగా ఉంది. ఈ ప్రాంతంలో పెరుగుతున్న మానవ-జంతు సంఘర్షణ ఆందోళన కలిగిస్తుంది. స్థానిక నాయకులు మానవ ఆవాసాల సమీపంలో సంచరిస్తున్న చిరుతలను అంతర్గత అటవీ ప్రాంతాలకు తరలించడం వంటి చర్యలు తీసుకోవాలని డిమాండ్ చేస్తున్నారు.