కామారెడ్డి (విజయక్రాంతి): గుండెపోటుతో ఓ లెక్చరర్ మృతి చెందిన ఘటన కామారెడ్డి జిల్లా బాన్సువాడ నియోజకవర్గంలోని కోటగిరి ప్రభుత్వ జూనియర్ కళాశాలలో శుక్రవారం చోటుచేసుకుంది. స్థానికుల కథనం ప్రకారం వివరాలు ఇలా ఉన్నాయి. కోటగిరి ప్రభుత్వ జూనియర్ కళాశాలలో జువాలజీ లెక్చరర్గా విధులు నిర్వహిస్తున్న గోవర్ధనగిరి(49) శుక్రవారం కళాశాలలో విధులు నిర్వహిస్తున్న సందర్భంలో ఒక్కసారిగా కుప్పకూలిపోయాడు. స్థానిక సిబ్బంది అతనిని ఆసుపత్రికి తరలించారు. లెక్చరర్ గోవర్ధనగిరి మార్గమధ్యంలోని మృతి చెందినట్లు వైద్యులు ప్రకటించారు. అందరితో కలిసి ఉన్న లెక్చరర్ పిల్లలకు పాఠాలు బోధిస్తున్న సమయంలో ఒక్కసారిగా కుప్ప కూలిపోయినట్లు స్థానికులు తెలిపారు.