ఎల్బీనగర్,(విజయక్రాంతి): తెలంగాణ ప్రభుత్వం  చేపడుతున్న కులగణనను అభినందిస్తూ బోయిన్పల్లి లోని గాంధీయన్ ఐడియాలజీ సెంటర్లో నిర్వహించిన సదస్సుకు హాజరైన ఏఐసీసీ అగ్రనేత, లోక్ సభ ప్రతిపక్ష నాయకుడు రాహుల్ గాంధీ వచ్చారు. ఆయనకు స్వాగతం పలికేందుకు టీపీసీసీ ప్రచార కమిటీ చైర్మన్, మాజీ ఎంపీ మధుయాష్కీ గౌడ్ గనేతృత్వంలో ఎల్బీనగర్ నియోజకవర్గం నుంచి నాయకులు, కార్యకర్తలు భారీగా తరలి వెళ్లారు. నియోజకవర్గంలోని అన్ని డివిజన్ల నుంచి నాగోల్ కు చేరుకున్న కార్యకర్తలు నాయకులు సికింద్రాబాద్ ప్యారడైజ్ చౌరస్తా సమీపంలోని బాలంరాయ్ చౌరస్తా వద్ద రాహుల్ గాంధీకి ఘన స్వాగతం పలికారు. 

తెలంగాణలో కాంగ్రెస్ ప్రభుత్వం కులగణనను చేపడుతూ.. దేశానికే రోల్ మోడల్ గా నిలుస్తుందని మధుయాష్కి గౌడ్ అన్నారు. రాహుల్ గాంధీ గారి ఆకాంక్షలకు అనుగుణంగా రేవంత్ రెడ్డి ప్రభుత్వం.. పేద వర్గాలకు సామాజిక న్యాయం అందించే దిశగా పనిచేస్తుందని పేర్కొన్నారు. తరలి వెళ్లిన వారిలో టీపీసీసీ ప్రతినిధి జక్కిడి ప్రభాకర్ రెడ్డి, కాంగ్రెస్ నేత ముద్ద గోని రామ్మోహన్ గౌడ్ గారు, డివిజన్ అధ్యక్షులు మకుటం సదాశివుడు, కుట్ల నర్సింహా యాదవ్, శ్రీపాల్ రెడ్డి, లింగాల కిషోర్ గౌడ్, బుడ్డా సత్యనారాయణ, వేణుగోపాల్ యాదవ్, చెన్న గోని రవి, బండా సురేందర్ రెడ్డి, మంజులా రెడ్డి, శశిధర్ రెడ్డి తదితరులు పాల్గొన్నారు.