ఇండస్ట్రీలో ఎవరికైనా ఏదైనా కష్టం వచ్చినా.. లేదంటే ప్రకృతి విపత్తు ఏమైనా సంభవించినా కూడా సాయం అందించేందుకు మెగా ఫ్యామిలీ ముందుంటుంది. మనకు తెలిసి చేసే సాయాలు ఉంటాయి. తెలియకుండా చేసే సాయాలు కూడా ఉంటాయి. తాజాగా మెగా కోడలు లావణ్య త్రిపాఠి ఓ వీడియోను సోషల్ మీడియాలో షేర్ చేశారు. ఆమె కొందరు భోజనం లేక ఇబ్బంది పడే వారి కోసం ఆహారం వండిస్తున్న వీడియో అది. ఫుడ్ ప్యాక్ చేసిన కవర్స్ కూడా ఆ వీడియోలో కనిపిస్తున్నాయి. ‘‘ప్రతి వారం మా కుటుంబం మొత్తం కలిసి ఫుడ్ ప్రిపేర్ చేస్తాం. అనంతరం దానికి ప్యాక్ చేసి అవసరమైన వారితో భోజనం పంచుకుంటాము. ఏదో ఈ ఆహారాన్ని ఇలా ఇస్తున్నామని చెప్పడం కాదు.. ఈ ప్రక్రియ మా హృదయాలను ఆనందంతో నింపివేయడమే కాకుండా ప్రేమ, కృతజ్ఞతను మేము వారి పట్ల తెలియజేయడం’’ అని లావణ్య త్రిపాఠి తెలిపారు. ఈ వీడియో చూసిన నెటిజన్లు మెగా ఫ్యామిలీ ఇలా నిరుపేదలకు ఆహారాన్ని కూడా పంచుతుందా? అని ఆశ్చర్యపోతున్నారు.