బెల్లంపల్లి (విజయక్రాంతి): కార్తీక మాసాన్ని పురస్కరించుకొని లోక కళ్యాణార్ధం బెల్లంపల్లి నెంబర్ 2 గ్రౌండ్ లో ఎమ్మెల్యే గడ్డం వినోద్ దంపతుల ఆధ్వర్యంలో సోమవారం రాత్రి లక్ష దీపోత్సవ కార్యక్రమం కన్నుల పండుగగా జరిగింది. ప్రముఖ ప్రవచనకర్త డాక్టర్ బాచంపల్లి సంతోష్ కుమార్ శాస్త్రి ప్రవచనాలు చదివి కార్యక్రమాన్ని అట్టహాసంగా ప్రారంభించారు. లక్ష దీపోత్సవ కార్యక్రమంలో పాల్గొని కార్తీక దీపాలు వెలిగించేందుకు బెల్లంపల్లి ప్రాంత మహిళలు పోటీపడ్డారు.

పూజల్లో పాల్గొనే మహిళలకు నిర్వాహకులు పూజా సామాగ్రిని ఉచితంగా అందజేశారు. ఈ కార్యక్రమంలో ఎమ్మెల్యే గడ్డం వినోద్ సతీమణి గడ్డం రమ, కుమార్తె గడ్డం వర్ష, బెల్లంపల్లి మున్సిపల్ అధ్యక్షురాలు జక్కుల శ్వేత, మాజీ అధ్యక్షురాలు మునిమంద స్వరూప, మున్సిపల్ మాజీ చైర్మన్ మత్త మారి సూరిబాబు, పట్టణ కాంగ్రెస్ అధ్యక్షులు ముచ్చర్ల మల్లయ్య, ప్రచార కమిటీ కన్వీనర్ నాతరి స్వామి, సీనియర్ కాంగ్రెస్ నాయకులు గెలిచేయరామ్ యాదవ్, మునిమంద రమేష్, దావ రమేష్ తదితరులు పాల్గొన్నారు.