హైదరాబాద్, నవంబర్ 20 (విజయక్రాంతి): టెట్ (ఉపాధ్యాయ అర్హత పరీక్ష)పై అభ్యర్థులకు ఆసక్తి తగ్గిపోతోంది. బుధవారం అర్ధరాత్రి 12 గంటలతో టెట్-2024-2 దరఖాస్తు గడువు ముగియగా కేవలం 2,48,174 దరఖాస్తులే వచ్చాయి. పేపర్-1కు 71,655, పేపర్-2కు 1,55,971 రాగా, రెండు పేపర్లకు 20,546.. మొత్తంగా 2,48,174 దరఖాస్తులు వచ్చాయి. ఈ నెల 5వ తేదీ నుంచి దరఖాస్తులు స్వీకరించగా.. జనవరి 1 నుంచి 20 వరకు పరీక్షలు జరగనున్నాయి. దరఖాస్తుల్లో తప్పుల సవరణకు ఈనెల 22 వరకు ఎడిట్ అవకాశం ఉన్నది. పరీక్షల డిటైల్డ్ షెడ్యూల్‌ను తర్వాత ప్రకటిస్తామని పాఠశాల విద్యాశాఖ డైరెక్టర్ నర్సింహారెడ్డి తెలిపారు.