కాప్రా (విజయక్రాంతి): కాప్రా సర్కిల్, చర్లపల్లి డివిజన్ కుషాయిగూడ రెడ్డి సంక్షేమ సంఘం నూతన అధ్యక్ష, కార్యదర్శులుగా నాగిళ్ల బాల్ రెడ్డి, మొగిలి రాఘవరెడ్డిలు ఏకగ్రీవంగా ఎన్నికైనట్లు ఎన్నికల కార్యనిర్వహణ అధికారులు రామచంద్ర రెడ్డి, వెంకట్ రెడ్డి, పి.వెంకటరెడ్డిలు పేర్కొన్నారు. ఉపాధ్యక్షులుగా బీలకంటి వెంకట నరసింహారెడ్డి, బుచ్చన్న గారి శ్రీకాంత్ రెడ్డి, సంయుక్త కార్యదర్శిగా సామా వెంకటరెడ్డి, కార్యనిర్వహక కార్యదర్శిగా రవిపల్లి రవీందర్ రెడ్డి, కోశాధికారిగా రావుల రాంరెడ్డిలు ఎన్నికయ్యారు. ఈ సందర్భంగా నూతనంగా ఎన్నికైన అధ్యక్ష కార్యదర్శులు నాగిళ్ల బాల్ రెడ్డి, మొగలి రాఘవరెడ్డిలు మాట్లాడుతూ.. రెడ్డిల సంక్షేమానికి తమ వంతు కృషి చేస్తామని, ముఖ్యంగా పేద రెడ్డిలు ఆర్థికంగా అభివృద్ధి సాధించే దిశగా చర్యలు తీసుకుంటామని వార్తలు తెలిపారు. ఈ కార్యక్రమంలో పెద్ద సంఖ్యలో రెడ్డి సంక్షేమ సంఘం ప్రతినిధులు, తదితరులు పాల్గొన్నారు.