హైదరాబాద్,(విజయక్రాంతి): తెలంగాణలో గత కొన్ని రోజుల క్రితం కురిసిన భారీ వర్షాలకు సర్వం కోల్పోయిన వరద బాధితులను అదుకోవడానికి కొంతమంది ప్రముఖులు స్వచ్ఛందంగా విరాళాలు ప్రకటిస్తున్నారు. అయితే ఈసారి ఎన్నడూ లేనంతగా సినీ పరిశ్రమ నుంచి తమ స్థాయికి తగినవిధంగా విరాళాలు అందిస్తున్నారు.

టెక్నో పెయింట్స్ సంస్థ రూ.20 లక్షలు విరాళంగా సీఎం సహాయనిధికి అందజేసింది. ఈ సందర్భంగా టెక్నో పెయింట్స్ సంస్థ డైరెక్టర్స్ శ్రీనివాస్ రెడ్డి, సీవీఎల్ఎన్ మార్తి, అనిల్ కొండోత్ సీఎం రేవంత్ రెడ్డిని కలిసి చెక్కును అందజేశారు. ఇదిలా ఉండగా.. సోషల్ మీడియాలో వైరల్ గా మారిన కుమారి ఆంటీ కూడా సీఎం సహాయనిధికి విరాళం ప్రకటించారు. సీఎం రేవంత్ రెడ్డిని కలిసిన కుమారి ఆంటీ సీఎంకు రూ.50 వేల అందజేశారు.