శేరిలింగంపల్లి,(విజయక్రాంతి): మాదాపూర్‌లోని శిల్పారామంలో వారాంతపు సాంస్రృతిక కార్యక్రమాలలో భాగంగా మంచిర్యాలలో శర్వాని కూచిపూడి నృత్యాలయంను స్థాపించి ఎందరో కళాకారులకి కూచిపూడి నాట్యంలో శిక్షణ ఇస్తున్న డాక్టర్ భార్గవి ప్రేమ్ శిష్య బృందం ఆదివారం ప్రదర్శించిన కూచిపూడి నృత్య ప్రదర్శన ఎంతగానో అలరించింది. అనంతరం గణేశా కౌతం, జతిస్వరం, దశావతార శబ్దం, హిందోళ తిల్లాన, శివాష్టకం, కృష్ణశబ్దం, స్వాగతం కృష్ణ, కృష్ణ జనన శబ్దం, స్వల్ల జాతి, కృష్ణ ముకుంద మురారి, మంగళం వంటి అంశాలను సాయి సహస్ర, మహన్యా, ఆరాధ్య, అనన్య, లాస్య నందిని, ఆధ్య, స్వస్థిరా, హరిణి, రక్షిత, రిప్సిత, మనస్వి, షెర్విని మొదలైన వారు ప్రదర్శించారు. ఈ కార్యక్రమంలో పాల్గొన్న కళాకారులందరికి ప్రశంసపత్రాలు అందజేశారు.