డైరెక్టర్ శేఖర్ కమ్ముల తెరకెక్కిస్తున్న ‘కుబేర’ చిత్రంలో ధనుష్, నాగార్జున, రష్మిక మందన్న కంప్లీట్ డిఫరెంట్ పాత్రల్లో కనిపించబోతున్నారు. ఇటీవల విడుదలైన ఫస్ట్‌లుక్ పోస్టర్లు, క్యారెక్టర్ పరిచయ వీడియోలు ఇప్పటికే సినీప్రియుల్లో అంచనాలు పెంచాయి. కాగా, శుక్రవారం టాలీవుడ్ స్టార్ మహేశ్‌బాబు ఈ చిత్రం ఫస్ట్ గ్లింప్స్‌ను లాంచ్ చేశారు.

ఫస్ట్ గ్లింప్స్‌లో ధనుష్  స్లమ్స్‌లో హంబుల్ లైఫ్‌ను గడుపుతున్న వ్యక్తిగా పరిచయమయ్యారు. మరోవైపు నాగార్జున కుటుంబంతో ముంబైలో నివసిస్తున్న సక్సెస్ ఫుల్ మ్యాన్‌గా కనిపించారు. జిమ్ సర్భ్ బిలియనీర్ బిజినెస్ మ్యాన్‌గా, రష్మిక మందన్న పాత్ర మధ్యతరగతి జీవితంలో అసంతృప్తితో పోరాడుతున్నట్టు కనిపిస్తుంది. సునీల్ నారంగ్, పుస్కుర్ రామ్‌మోహన్‌రావు నిర్మిస్తున్న ఈ చిత్రం తమిళం, తెలుగు, హిందీ భాషల్లో రూపొందుతోంది.