వికారాబాద్,(విజయక్రాంతి): కొడంగల్ మాజీ ఎమ్మెల్యే పట్నం నరేందర్ రెడ్డిని పోలీసులు బుధవారం అరెస్టు చేశారు. బీఆర్ఎస్ కార్యనిర్వాహక అధ్యక్షుడు కేటీఆర్ ఫిల్మ్ నగర్‌లోని నరేందర్ రెడ్డి నివాసానికి వెళ్లి ఆయన భార్య శృతి, కుటుంబసభ్యులను పరామర్శించి, ధైర్యం చెప్పారు. కేటీఆర్ తోపాటు మాజీ ముంత్రులు వేముల ప్రశాంత్ రెడ్డి, సబితా ఇంద్రారెడ్డి, గుంటకండ్ల జగదీష్ రెడ్డి, పలువులు బీఆర్ఎస్ సీనియర్ నాయకులు ఉన్నారు. సోమవారం కొడంగల్ లో రైతుల భూములను బలవంతంగా గుంజుకోవాలని చూసిన కాంగ్రెస్ సర్కార్ పై రైతుల ఎదురు తిరుగుతే వారిపై అక్రమ కేసులు పెట్టి సంకెళ్లు వేశారు. మీరూ ఎంత అణిచివేయాలని చూస్తే, అంతకు మించి ప్రజలు ప్రతిఘటిస్తారని కేటీఆర్ పేర్కొన్నారు.