హైదరాబాద్‌: కరీంనగర్ లో బీఆర్ఎస్ ఆధ్వర్యంలో దీక్షా దివస్ కార్యక్రమం నిర్వహించారు. కరీంనగర్ అల్గునూర్ కూడలిలో కేసీఆర్ చిత్రపటానికి కేటీఆర్ పాలాభిషేకం చేశారు. కరీంనగర్ ఎల్ఎండీ కాలనీలో అమరుల స్తూపం వద్ద కేటీఆర్ నివాళర్పించారు. ఎల్ఎండీ నుంచి అల్గునూర్ వరకు కేటీఆర్ బైకు ర్యాలీలో పాల్గొన్నారు. బైకు ర్యాలీలో బీఆర్ఎస్ శ్రేణులు పెద్ద సంఖ్యలో పాల్గొన్నారు. తెలంగాణ ఆందోళన సందర్భంగా బీఆర్‌ఎస్‌ అధినేత కే. చంద్రశేఖర్‌రావు చేపట్టిన ఆమరణ నిరాహార దీక్షకు గుర్తుగా బీఆర్‌ఎస్‌ నేతలు, కార్యకర్తలు శుక్రవారం దీక్షా దివస్‌ను జరుపుకుంటున్నారు. ప్రత్యేక తెలంగాణ రాష్ట్ర ఏర్పాటుకు మార్గం సుగమం చేసిన ఆందోళన ఉధృతమైన రోజును ఘనంగా జరుపుకోవాలని పార్టీ వర్కింగ్ ప్రెసిడెంట్ కెటి రామారావు పార్టీ నాయకులకు పిలుపునిచ్చారు. దీంతో జిల్లా, మండల, గ్రామ ప్రధాన కార్యాలయాల్లో ఈ దినోత్సవాన్ని జరుపుకోవాలని జిల్లా నాయకులను కోరారు.