• కుర్చీ కోసం ముగ్గురు కుస్తీ
  

హరీశ్‌రావు వేరే పార్టీ చూసుకోవాల్సిందే

మతం పేరిట బీజేపీ రాజకీయం 

టీపీసీసీ అధ్యక్షుడు మహేశ్‌కుమార్‌గౌడ్

ఆదిలాబాద్, జనవరి 6 (విజయక్రాంతి): ప్రజా ధనాన్ని అప్పనంగా ప్రైవేటు కంపెనీలకు ధారాదత్తం చేసిన కేటీఆర్ జైలుకు వెళ్లడం ఖాయమని కాంగ్రెస్ పార్టీ రాష్ర్ట అధ్యక్షుడు మహేశ్‌కుమార్‌గౌడ్ జోస్య చెప్పారు. ఈ రేస్‌లో కేటీఆర్ అడ్డంగా దొరికిపోయారన్నారు. జైలుకు వెళ్లడానికైనా సిద్ధం అన్న కేటీఆర్.. తరాత పనికి రాని, పసలేని కేసు అని కోర్టును ఎందుకు ఆశ్రయించారని ప్రశ్నించారు.

ఆదిలాబాద్‌లో సోమవారం నిరహించిన పార్లమెంట్ స్థాయి నాయకులు, కార్యకర్తల సమావేశానికి తెలంగాణ రాష్ర్ట ఇన్‌చార్జి దీపాదాస్ మున్షీ, ఆల్ ఇండియా జనరల్ సెక్రెటరీ విశనాథన్, జిల్లా ఇన్‌చార్జి మంత్రి సీతక్కతో కలిసి మహేశ్‌కుమార్‌గౌడ్ హాజరయ్యారు. అనంతరం మహేశ్‌కుమార్‌గౌడ్ మాట్లాడుతూ... అధికారం కోల్పోయిన అక్కసుతో బీఆర్‌ఎస్ నేతలు దారుణంగా మాట్లాడుతున్నారని మండిపడ్డారు.

అధ్యక్ష కుర్చీ కోసం కేటీఆర్, కవిత, హరీశ్‌రావు కొట్లాడుతున్నారని, అందులో అమాయకుడైన హరీశ్‌రావు వేరే పార్టీ చూసుకోవాల్సిందేనని ఎద్దేవా చేశారు. అసెంబ్లీకి రాకుండా ఫామ్‌హౌస్‌లోనే ఉంటున్న కేసీఆర్‌కు ప్రతిపక్ష హోదా ఎందుకని ప్రశ్నించారు. కాళేశరం వృథా ప్రాజెక్టు అని, ప్రపంచంలోనే అత్యంత ప్రజాధనం దురినియోగం, దోపిడీ చేసిన కుటుంబం కేసీఆర్ కుటుంబం అని ఆరోపించారు.

బీఆర్‌ఎస్ శఖం ముగిసిందని, వచ్చే ఎన్నికల నాటికి ఆ పార్టీ ఉండదని జోష్యం చెప్పారు. తండ్రీ కొడుకులు తప్పా ఆ పార్టీలో ఎవరు ఉండరని అన్నారు. మరోవైపు కేంద్రంలో అధికారంలో ఉన్న బీజేపీ మతం పేరిట రాజకీయం చేస్తుందన్నారు. తరచూ అంబేద్కర్‌ని అవమానించడం చూస్తే రాజ్యాంగాన్ని మార్చే ప్రయత్నం చేస్తున్నట్టుగా అనిపిస్తున్నదన్నారు. 

నఫ్రత్ చోడో.. ఆదిలాబాద్ జొడో: దీపాదాస్ మున్షీ

ఆదిలాబాద్ జిల్లాలో కాంగ్రెస్ బలహీనం కాదని ఇక్కడి కార్యకర్తల ఉత్సాహం చూస్తే తెలుస్తున్నదని పార్టీ రాష్ర్ట ఇన్‌చార్జ్ దీపాదాస్ మున్షీ అన్నారు. నాయకుల మధ్య సఖ్యత లేని కారణంగానే పార్టీ నష్టపోతుందన్నారు. నాయకులు కలిసి పని చేయాలని అందుకు నఫ్రత్ చోడో.. ఆదిలాబాద్ జోడోగా ముందుకు వెళ్లాలని దీపాదాస్ మున్షీ పిలుపునిచ్చారు.