యాక్షన్ జానర్, పీరియాడిక్ డ్రామాతో వస్తున్న చిత్రాలకు ఇప్పుడు పాన్ ఇండియా వైడ్‌గా బాగా డిమాండ్ ఉంది. ఈ తరుణంలోనే కన్నడ నుంచి మరో యాక్షన్ మూవీ రాబోతోంది. ఒరాటశ్రీ దర్శకత్వంలో సునామీ కిట్టి హీరోగా 'కోర’ అనే చిత్రం తెరకెక్కుతోంది. ఈ సినిమాలో చరిష్మా, పీ మూర్తి ప్రధాన పాత్రలను పోషిస్తున్నారు. శ్రీలక్ష్మీజ్యోతి క్రియేషన్స్, రత్నమ్మ మూవీస్ బ్యానర్లపై డాక్టర్ ఏబీ నందిని, ఏఎన్ బాలాజీ, పీ మూర్తి నిర్మిస్తున్నారు. ఇదివరకు రిలీజ్ చేసిన పోస్టర్లు, గ్లింప్స్ ఈ సినిమాపై అంచనాలు పెంచేశాయి. తాజాగా తమిళ స్టార్ హీరో మక్కల్ సెల్వన్ విజయ్ సేతుపతి ఈ మూవీ టీజర్‌ను సోషల్ మీడియా వేదికగా రిలీజ్ చేస్తూ టీమ్‌కు అభినందనలు తెలిపారు. 

ఇక కోర’ టీజర్ చూస్తే.. హై ఇంటెన్స్ యాక్షన్ సీక్వెన్స్‌తో సరైన పాన్ ఇండియన్ మూవీలా తెరకెక్కినట్టు అనిపిస్తోంది. టీజర్‌లో చూపించిన విజువల్స్, కెమెరా వర్క్, ఆర్‌ఆర్, యాక్షన్ సీక్వెన్స్ మాస్ ఆడియెన్స్‌కు ఐ ఫీస్ట్‌లా ఉంటుంది. త్వరలోనే ఈ సినిమా రిలీజ్ డేట్‌ను మేకర్లు ప్రకటించనున్నారు. ఈ చిత్రానికి సెల్వం మాతప్పన్ సినిమాటోగ్రఫర్‌గా పని చేస్తుండగా.. బీఆర్ హేమంత్‌కుమార్ సంగీతం అందిస్తున్నారు. కే గిరీశ్‌కుమార్ ఎడిటర్‌గా పనిచేస్తున్నారు.