బ్రిడ్జ్‌టౌన్: టీమిండియా స్టార్ విరాట్ కోహ్లీ ఆల్ టైమ్ గ్రేట్ ప్లేయర్స్ జాబితాలో టాప్ స్థానంలో ఉంటాడని వెస్టిండీస్ దిగ్గజం వెస్లే హాల్ అభిప్రాయపడ్డాడు. ఈ తరం క్రికెటర్లలో కోహ్లీ ఒక సూపర్ స్టార్ అంటూ ప్రశంసలు కురిపించాడు. కోహ్లీ, ద్రవిడ్‌కు.. వెస్లే తన ఆటోబయోగ్రఫీ పుస్తకాన్ని బహుకరించాడు. ‘నా కెరీర్‌లో చాలా మంది గొప్ప ఆటగాళ్లను చూశా. అందులో నవ్వు (కోహ్లీ) ఒకడివి. నా దృష్టిలో నీ స్థానం ప్రత్యేకం. నీ ఆటతీరు, కెరీర్ కొన్నేళ్ల నుంచి చాలా దగ్గరి నుంచి గమనిస్తున్నా. టీమిండియాకు మరి కొన్నేళ్ల పాటు ఆడతావనే అనుకుంటున్నా’ అని వెస్లే పేర్కొన్నాడు.