అల్లు అర్జున్, సుకుమార్ కాంబినేషన్‌లో రూపొందుతోన్న చిత్రం ‘పుష్ప-2’ ది రూల్. సుకుమార్ రైటింగ్స్ అసోసియేషన్‌తో కలిసి మైత్రీ మూవీ మేకర్స్ పతాకంపై నవీన్ ఎర్నేని, 

యలమంచిలి రవిశంకర్ ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. ఇక ఈ  చిత్రం గురించి ఏ చిన్న అప్‌డేట్ అయినా ప్రేక్షకుల్లో, అల్లు అర్జున్ అభిమానుల్లో ఆసక్తిని రేకెత్తిస్తోంది. ఇటీవల విడుదలైన ట్రైలర్‌తో సినిమాపై అంచనాలు రెట్టింపయ్యాయి. 

ఈ చిత్రంలో అందరూ ఎంతగానో ఎదురుచూస్తున్న ప్రత్యేక పాట అప్‌డేట్ వచ్చేసింది. అల్లు అర్జున్, శ్రీలీలపై చిత్రీకరించిన కిస్సిక్ సాంగ్‌ను ఈ నెల 24న చెన్నైలో జరగనున్న ఈవెంట్‌లో  విడుదల చేయనున్నారు. అల్లు అర్జున్, శ్రీలీల వేసే స్టెప్స్ కోసం ప్రేక్షకులు ఎంతగానో ఎదురు చూస్తున్నారు. మొత్తానికి కిస్సిక్ సాంగ్ ఓ రేంజ్‌లో ఉంటుందని అంతా భావిస్తున్నారు.