యువ హీరో కిరణ్ అబ్బవరం నటిస్తున్న కొత్త సినిమా 'దిల్ రూబా’. ఇందులో రుక్సర్ థిల్లాన్ హీరోయిన్‌గా నటిస్తోంది. శివమ్ సెల్యులాయిడ్స్ ప్రముఖ మ్యూజిక్ లేబుల్ సారిగమకు చెందిన నిర్మాణ సంస్థ అయిన ఏ యూడ్లీ ఫిలిం సంయుక్తంగా నిర్మిస్తున్నాయి. రవి, జోజో జోస్, రాకేశ్‌రెడ్డి, సారెగమ నిర్మాతలుగా వ్యవహరిస్తున్నారు. విశ్వ కరుణ్ దర్శకత్వం వహిస్తున్నారు. లవ్, రొమాంటిక్ యాక్షన్ ఎంటర్‌టైనర్‌గా తెరకెక్కుతున్న ఈ సినిమా ఇటీవలే షూటింగ్ కంప్లీట్ చేసుకుంది. 'క’ సినిమా విజయం తర్వాత కిరణ్ అబ్బవరం నటిస్తున్న చిత్రం కావడంతో ఇప్పట్నుంచే దీనిపై భారీ అంచనాలు ఏర్పడ్డాయి. ఈ చిత్రం ఫిబ్రవరిలో రిలీజ్‌కు రెడీ అవుతోంది. తాజాగా మేకర్స్ ఈ సినిమా టీజర్ రిలీజ్ డేట్‌ను ప్రకటించారు. జనవరి 3న టీజర్ రిలీజ్ చేయబోతున్నట్టు ప్రకటించారు. ఈ చిత్రానికి సినిమాటోగ్రఫీ: డానియేల్ విశ్వాస్; సంగీతం: సామ్ సీఎస్; ఎడిటర్: ప్రవీణ్ కేఎల్.