హీరో కిరణ్ అబ్బవరం నటిస్తున్న పీరియాడిక్ థ్రిల్లర్ ‘క’. ఈ సినిమాలో నయన్ సారిక, తన్వీ రామ్ హీరోయిన్లుగా నటిస్తున్నారు. చింతా వరలక్ష్మి సమర్పణలో శ్రీచక్రాస్ ఎంటర్‌టైన్‌మెంట్స్ బ్యానర్‌పై చింతా గోపాలకృష్ణరెడ్డి నిర్మిస్తున్నారు. విలేజ్ బ్యాక్‌డ్రాప్ యాక్షన్ థ్రిల్లర్ కథతో దర్శక ద్వయం సుజీత్, సందీప్ తెరకెక్కిస్తున్న ఈ చిత్రం ఈ నెల 31న దీపావళి పండుగ సందర్భంగా తెలుగులో విడుదలవుతోంది.

ఈ నేపథ్యంలో హైదరాబాద్‌లో నిర్వహించిన మూవీ ప్రీ రిలీజ్ ఈవెంట్‌కు హీరో నాగచైతన్య ముఖ్య అతిథిగా హాజరయ్యారు. ఈ సందర్భంగా నాగచైతన్య మాట్లాడుతూ.. “కిరణ్ అబ్బవరం జర్నీకి నేను ఫ్యాన్‌ను. ఎందుకంటే స్వతహాగా ఎదిగాడు. ట్రోల్ చేసే వారికి కీ బోర్డ్ తప్ప బ్రెయిన్‌లో ఏమీ ఉండదు” అన్నారు.

కిరణ్ అబ్బవరం మాట్లాడుతూ.. “ఒకరు తమ సినిమాలో నాపై ట్రోలింగ్ డైలాగ్స్ పెట్టారు. నేను మీకు ఏం చేశానని నన్ను తక్కువ చేసేలా డైలాగ్స్ పెట్టారు. నాకు బాధగా అనిపించే మాట్లాడుతున్నా. ‘క’ బ్యాడ్ మూవీ అని ఎవరైనా అంటే సినిమాలు చేయడం మానేస్తా” అన్నారు. ఈ కార్యక్రమంలో మూవీ టీమ్ అంతా పాల్గొన్నారు.