యంగ్ హీరో కిరణ్ అబ్బవరం తాజాగా 11వ సినిమాకు కొబ్బరికాయ కొట్టేశాడు.  హాస్య మూవీస్ బ్యానర్‌పై రాజేశ్ దండ నిర్మిస్తున్న ఈ కొత్త ప్రాజెక్ట్‌కి ‘కె -ర్యాంప్’ అనే టైటిల్ ఫిక్స్ చేశారు. ఈ సినిమాకు కొత్త డైరెక్టర్ జైన్స్ నాని దర్శకత్వం వహిస్తున్నారు. ఈ మూవీని సోమవారం లాంఛనంగా ప్రారంభించారు.

పూజా కార్యక్రమానికి దిల్ రాజు ముఖ్య అతిథిగా హాజరై క్లాప్ కొట్టారు. నిర్మాత అనిల్ సుంకర కెమెరా స్విచ్ఛా న్ చేశారు. డైరెక్టర్స్ విజయ్ కనకమేడల, రామ్ అబ్బరాజు, యదు వంశీ, రైటర్ ప్రసన్న స్క్రిప్ట్ అందజేశారు. యోగి ఫస్ట్ షాట్ డైరెక్షన్ చేశారు.

నిర్మాతలు ధీరజ్ మొగిలినేని, వంశీ నందిపాటి, సీనియర్ నరేశ్ పాల్గొన్నారు. ఈ సందర్భంగా విడుదల చేసిన ఈ సినిమా టైటిల్ పోస్టర్‌ను చూస్తుంటే.. భారీ యాక్షన్ సీక్వెన్స్‌ను ప్లాన్ చేసినట్టు తెలుస్తోంది. టైటిల్ లోగోతో ఉన్న బొమ్మ, ఆ మందు సీసా, ఆ ఫుట్ బాల్‌తో పోస్టర్ డిజైన్ చేశారు. ఈ చిత్రం యుక్తి తరేజా హీరోయిన్‌గా నటిస్తోంది. సీనియర్ నరేశ్, వెన్నెల కిషోర్ తదితరులు కీలక పాత్రలు పోషిస్తున్నారు.