‘శుక్ర’, ‘మాటరాని మౌనమిది’, ‘ఏ మాస్టర్ పీస్’ వంటి డిఫరెంట్ సినిమాలతో ఆకట్టుకుంటున్న దర్శకుడు పూర్వాజ్ మరో సై-ఫై యాక్షన్ థ్రిల్లర్ మూవీ ‘కిల్లర్ పార్ట్ 1 డ్రీమ్ గర్ల్’. ఈ సినిమాలో పూర్వాజ్ హీరోగా, జ్యోతి పూర్వాజ్ హీరోయిన్‌గా నటిస్తున్నారు. విశాల్‌రాజ్, గౌతమ్ ప్రధాన పాత్రలు పోషిస్తున్నారు.

థింక్ సినిమా బ్యానర్‌పై ఏయూ అండ్ ఐ, మెర్జ్ ఎక్స్ ఆర్ సంస్థలతో కలిసి పూర్వాజ్, ప్రజయ్ కామత్, ఏ పద్మనాభరెడ్డి నిర్మిస్తున్నారు. లవ్, రొమాన్స్, రివేంజ్, ఆర్టిఫిషిల్ ఇంటెలిజెన్స్, థ్రిల్లర్ అంశాల మేళవింపుతో ప్రేక్షకులకు కొత్త అనుభూతిని అందించనున్న ఈ మూవీ షూటింగ్ ప్రస్తుతం శరవేగంగా జరుగుతోంది.

ఇప్పటివరకు 50 శాతం చిత్రీకరణ పూర్తయింది. తాజాగా మూడో షెడ్యూల్ పూర్తయింది. ఈ షెడ్యూల్‌లో ప్రధాన తారాగణం పాల్గొనగా.. కీలకమైన యాక్షన్, రొమాంటిక్, థ్రిల్లింగ్ సన్నివేశాలను చిత్రీకరించారు. ఈ చిత్రానికి సినిమాటోగ్రఫీ: జగదీశ్ బొమ్మిశెట్టి; సంగీతం: అషీర్ ల్యూక్, సుమన్ జీవరత్నం.