జగిత్యాల, ఆగస్టు 14: జగిత్యాల జిల్లా మెట్‌పల్లి పట్టణంలోని దుబ్బవాడలో రెండేళ్ల బాలుడి కిడ్నాప్ కలకలం రేపింది. మెట్‌పల్లి పట్టణంలోని దుబ్బవాడలో నివాసముంటున్న లక్ష్మి, రాజు దంపతులు కూలీ పనిచేస్తూ, భిక్షాటన చేస్తూ జీవనం సాగిస్తున్నారు. వారికి రెండేళ్ల కొడుకు శివ ఉన్నాడు. బుధవారం తమ్ముడ్ని తీసుకుని అక్క అమ్ములు ఆడిపించుకుంటూ కిరాణ దుకా ణం వైపు తీసుకెళ్తున్నది. అదే సమయంలో గుర్తు తెలియని దుండగులు బైక్‌పై వచ్చి బాలుడ్ని ఎత్తుకెళ్లారు. ఘటన స్థలానికి చేరుకున్న పోలీసులు సీసీ ఫుటేజీలను పరిశీలించారు. చిన్నారి అమ్ములు నుంచి శివను ఎత్తుకెళ్తున్న దృశ్యాలు పోలీసులు గుర్తించారు.