హైదరాబాద్: జానీ మాస్టర్ రిమాండ్ రిపోర్టులో కీలక అంశాలు బయటపడ్డాయి. నేరాన్ని జానీ అంగీకరించినట్లు రిమాండ్ రిపోర్టులో పోలీసులు పేర్కొన్నారు. 2019లో జానీతో బాధితురాలు పరిచయమైనట్లు తెలిపారు. దురుద్దేశంతోనే జానీ ఆమెను అసిస్టెంట్ గా చేర్చుకున్నాడని పోలీసులు వెల్లడించారు. 2020లో ముంబయిలోని హోటల్ లో జానీ లైంగిక దాడికి పాల్పడినట్లు తెలిపారు. లైంగిక దాడి జరిగినప్పుడు బాధితురాలి వయసు 16 ఏళ్లు అని పోలీసులు చెప్పారు. నాలుగేళ్లలో బాధితురాలిపై పలుమార్లు జానీ మాస్టర్ లైంగిక దాడికి పాల్పడినట్లు వెల్లడించారు. లైంగిక దాడి విషయం బయటకు రాకుండా జానీ బెదిరించినట్లు పోలీసులు తెలిపారు. సినిమా అవకాశాలు రాకుండా చేస్తామని జానీ బెదిరించినట్లు తెలిపారు. పలుకుబడితో బాధితురాలికి అవకాశాలు రాకుండా చేశాడని పోలీసులు పేర్కొన్నారు. కొరియోగ్రాఫర్ షేక్ జానీ బాషాకు ఉప్పరపల్లిలోని ఫోక్సో కోర్టు 14 రోజుల రిమాండ్ విధించింది. దీంతో జానీ మాస్టర్‌ను పోలీసులు చర్లపల్లి జైలుకు తరలించారు.