హైదరాబాద్,(విజయక్రాంతి): సిద్ధిపేట జిల్లా పాలకుర్తి నియోజకవర్గ బీఆర్ఎస్ నేతలతో బీఆర్ఎస్ అధినేత, మాజీ ముఖ్యమంత్రి కేసీఆర్ సమావేశం నిర్వహించారు. సినీ నిర్మాత శ్రీనివాస్ రెడ్డి కేసీఆర్ సమక్షంలో బీఆర్ఎస్ లో చేరారు. ఈ సందర్భంగా కేసీఆర్ మాట్లాడుతూ... ఏం కోల్పోయారో ప్రజలకు తెలిసొచ్చిందని పేర్కొన్నారు.  ప్రస్తుత పరిస్థితులతో బీఆర్ఎస్ నాయకులు హైరానా పడాల్సిన పని లేదని కేసీఆర్ చెప్పారు. మళ్లీ బీఆర్ఎస్ పార్టీయే అధికారంలోకి వస్తుందని ప్రజలు చెబుతున్నారని ఆయన వెల్లడించారు. ప్రభుత్వం పిచ్చిపిచ్చి మాటలు మాట్లాడుతుందని, సమాజాన్ని నిలబెట్టి, నిర్మాణం చేయాలన్నారు. తమ హాయంలో కట్టిన ప్రాజెక్టులను కూలగొడతామని పిచ్చిగా మాట్లాడుతోన్నారని ఆగ్రహం వ్యక్తం చేశారు. ప్రజలు బాధ్యత ఇస్తే.. అంతే బరువుతో సేవ చేయాలని, గత పదేళ్లలో మేనిఫెస్టోలో ఇచ్చిన హామీలకంటే 90 శాతం ఎక్కువే చేశామని కేసీఆర్ స్పష్టం చేశారు.