విష్ణు మంచు కథానాయకుడిగా నటిస్తున్న చిత్రం ‘కన్నప్ప’. ముఖేశ్‌కుమార్ సింగ్ దర్శకత్వంలో అవా ఎంటర్‌టైన్‌మెంట్స్, 24 ఫ్రేమ్స్ ఫ్యాక్టరీ బ్యానర్లపై ఈ సినిమాను భారీ బడ్జెట్ కేటాయించి డాక్టర్ మోహన్‌బాబు నిర్మిస్తున్నారు. ఇందులో మోహన్‌బాబుతోపాటు ప్రభాస్, అక్షయ్‌కుమార్, మోహన్‌లాల్, శరత్‌కుమార్, మధుబాల, దేవరాజ్, ముఖేశ్ రిషి, బ్రహ్మానందం, మంచు అవ్రామ్, అర్పిత్ రంకా వివిధ పాత్రలు పోషిస్తున్నారు.

ఇప్పటికే ఈ సినిమా నుంచి వచ్చిన పోస్టర్లు, గ్లింప్స్, టీజర్ ప్రేక్షకుల్లో అంచనాలను పెంచేశాయి. తాజాగా ఈ మూవీ రిలీజ్ డేట్‌ను మేకర్స్ ప్రకటించారు. ప్రస్తుతం ‘కన్నప్ప’ మూవీ టీమ్ ద్వాదశ జ్యోతిర్లింగాలను సందర్శన యాత్రలో ఉంది. యాత్రలో భాగంగా ఉజ్జయినీ మహాకాళేశ్వర్ ఆలయం చేరుకున్న టీమ్ అక్కడే సినిమా విడుదల తేదీని ప్రకటించింది. 25 ఏప్రిల్, 2025న భారీ ఎత్తున అన్ని భాషల్లో సినిమాను రిలీజ్ చేయబోతోన్నట్టు వెల్లడించారు.