అధ్యక్ష పదవికి ఫిట్.. ఆమె వైద్యుడి ప్రకటన
వాషింగ్టన్, అక్టోబర్ 13: అమెరికా ఉపాధ్యక్షురాలు, డెమోక్రటిక్ పార్టీ అధ్యక్ష అభ్యర్థి కమలా హారిస్ సంపూర్ణ ఆరోగ్యవంతురాలని, అధ్యక్షురాలిగా విధులు నిర్వర్తించేందుకు ఫిట్ గా ఉన్నారని ఆమె వైద్యుడు జాషువా సిమ న్స్ తాజాగా రెండు పేజీల నోట్ను విడుదల చేశారు.
యూఎస్ ఆర్మీ కల్నల్, డాక్టర్ సిమన్ మూడున్నరేళ్లుగా హారిస్కు వ్యక్తిగత వైద్యుడిగా కొనసాగుతున్నారు. 59 ఏళ్ల కమలా చురుకైన జీవన శైలిని కలిగి ఉన్నారని ఆయన ప్రకటించారు. హారిస్ కొంత కాలం క్రితం అలర్జీ సమస్యతో బాధపడేవారని, ఆ రుగ్మత నుంచి బయటపడేందుకు ఆమె ఇమ్యూనో థెరపీ చేయించుకుంటున్నట్లు వెల్లడించారు.