1. వైభవంగా శ్రీలక్ష్మీనారాయణ కల్యాణోత్సవం
2. భక్తులతో కిటకిటలాడిన ఎన్టీఆర్ స్టేడియం

ముషీరాబాద్, నవంబర్ 17: నగరంలోని ఎన్టీఆర్ స్టేడియంలో ఆదివారం సాయం త్రం తొమ్మిదో రోజు కోటి దీపోత్సవ వేడుకలను వైభవంగా నిర్వహించారు. ఒకే వేదికపై అమ్మవార్ల దర్శనభాగ్యం, అమ్మలగన్న అమ్మలకు కోటికుంకుమార్చన, జన్మనక్షత్ర దోషపరిహారానికై భక్తులచే నక్షత్ర పూజలు చేయించారు. శ్రీ సీతారామచంద్ర గోపాలకృష్ణ మఠం శ్రీ యోగానంద సరస్వతీస్వామి ఆశీర్వచనం చేశారు.

బ్రహ్మాశ్రీ మాడుగుల నాగఫణిశర్మ ప్రవచనామృతం చేశారు. శ్రీ లక్ష్మీ నారాయణ కల్యాణోత్సవాన్ని కనులపండువగా నిర్వహించారు. అనంతరం స్వామిజీని వేలాంది మంది భక్తుల సమక్షంలో ఊరేగించారు. ఈ కార్యక్రమానికి తెలంగాణ రాష్ట్ర గవర్నర్ జిష్ణుదేవ్ వర్మ దంపతులు ముఖ్య అతిథులుగా హాజరై ప్రత్యేక పూజలు చేశారు. భక్తులు పెద్ద సంఖ్యలో పాల్గొన్నారు.