నాగర్ కర్నూల్,(విజయక్రాంతి): శ్రీశైలం ఎడమ గట్టు ఎస్‌ఎల్‌బీసీ సొరంగం(Srisailam Left Bank SLBC Tunnel)లో చిక్కుకున్న ఎనిమిది మందిని రక్షించడానికి ఎన్డీఆర్ఎఫ్(NDRF), సైన్యం, సింగరేణికి చెందిన రెస్క్యూ బృందాలు చురుకుగా పనిచేస్తున్నాయని ఎక్సైజ్, పర్యాటక శాఖ మంత్రి జూపల్లి కృష్ణారావు అన్నారు. తాము రెస్క్యూ ఆపరేషన్‌ను ముమ్మరం చేస్తామని, చిక్కుకున్న వారిని సురక్షితంగా తరలించేలా చూస్తామని జూపల్లి హామీ ఇచ్చారు.

డీవాటరింగ్ ప్రక్రియ తర్వాత రెస్క్యూ ప్రయత్నాలు వేగవంతమయ్యాయని ఆయన అన్నారు. ఎస్ఎల్బీసీ సొరంగం కూలిపోవడం ప్రమాదమే తప్ప మానవ తప్పిదం వల్ల కాదని జూపల్లి చెప్పారు. నీటిపారుదల శాఖ మంత్రి ఉత్తమ్ కుమార్ రెడ్డి(Irrigation Minister Uttam Kumar Reddy), హైడ్రా చీఫ్ రంగనాథ్(Hydra Chief Ranganath) రెస్క్యూ ఆపరేషన్‌లను పర్యవేక్షిస్తున్నారు.