హైదరాబాద్ : తెలంగాణ జూనియర్ లెక్చరర్ పరీక్ష ఫలితాలు విడుదలయ్యాయి. తెలంగాణ రాష్ట్ర పబ్లిక్ సర్వీస్ కమిషన్ జూనియర్ లెక్చరర్ సబ్జెక్టుల వారీగా జనరల్ ర్యాంకింగ్ లిస్టు విడుదల చేసింది. ఈ ఫలితాలను 1:2 నిష్పత్తిలో షార్ట్ లిస్టు జాబితాను త్వరలోనే వెల్లడిస్తామని అధికారులు తెలిపారు.
పీడబ్ల్యూడీ అభ్యర్థులకు 1:5 నిష్పత్తిలో షార్ట్ లిస్టు చేస్తామని, టీజీపీఎస్సీ జూనియర్ లెక్చరర్ ఎంపిక పరీక్షలను గతేడాది 12 సెప్టెంబర్ 2023 నుంచి 03 అక్టోబర్ 2023 వరకు నిర్వహించింది. టీజీపీఎస్సీ జూనియర్ లెక్చరర్ పరీక్ష ఫలితాలను తన అధికారిక వెబ్ సైట్ https://www.tspsc.gov.in లో విడుదల చేసింది.