హైదరాబాద్: విక్రేత వద్ద గంజాయి కొనుగోలు చేస్తూ ఇద్దరు జూనియర్ డాక్టర్లు నార్కోటిక్స్ బ్యూరో, సుల్తానా బజార్ పోలీసులకు చిక్కారు. గంజాయి విక్రేత సహా ఆ జూడాలను పోలీసులు అరెస్ట్ చేసి రిమాండ్‌కు తరలించారు. శుక్రవారం ఉదయం కోఠిలోని ఉస్మానియా మెడికల్ కాలేజీ వద్ద డా.కె. మణికందన్, డా.వి. అరవింద్‌లు సురేష్ సింగ్ అనే వ్యక్తి వద్ద గంజాయి కొనుగోలు చేస్తుండగా పోలీసులు దాడులు నిర్వహించి పట్టుకున్నారు. వారి వద్ద నుంచి 80 గ్రాముల గంజాయి, 2 మొబైల్ ఫోన్లను స్వాధీనం చేసుకున్నారు. జూడాలకు పరీక్షలు చేయించగా పాజిటివ్‌గా రావడంతో పోలీసులు గంజాయి విక్రేత సహా జూడాలపై కేసు నమోదు చేసి రిమాండ్‌కు తరలించారు.