ఘట్ కేసర్,(విజయక్రాంతి): అక్టోబర్ 20వ తేదీన ఘట్ కేసర్ లో నిర్వహించే జాబ్ మేళాను నిరుద్యోగ యువతీ యువకులు వినియోగించుకోవాలని ఘట్ కేసర్ మున్సిపల్ చైర్ పర్సన్ పావని జంగయ్య యాదవ్ తెలిపారు. ఘట్ కేసర్ మున్సిపల్ కార్యాలయంలో బుధవారం ఆమె మాట్లాడుతూ.. కొంగర కలాన్ లోని ప్రముఖ ఎలక్ట్రానికి కంపెనీ లో ఉద్యోగాల నిమిత్తం ఈ నెల 20న జాబ్ మేళా నిర్వహిస్తున్నట్లు పేర్కొన్నారు.

ఆదివారం ఉదయం 9 గంటల నుండి 1 గంటల వరకు ఇంటర్వూ ఉంటుందని చెప్పారు. పట్టణంలోని హోళీ ఫేయిత్ గ్రామర్ హైస్కూల్ లో జరిగే జాబ్ మేళా కార్యక్రమంలో పాల్గొనేందుకు 18 నుండి 30 సంవత్సరాల లోపు యువతీ, యువకులు అర్హులని ఎస్ ఎస్ సీ నుండి డిగ్రీ వరకు చదివిన ధ్రువ పత్రాలు, బయోడెటా, ఆధార్ కార్డు, బ్యాంక్ అకౌంట్, పాస్ పోర్టు సైజ్ ఫోటో, పాన్ కార్డు జీరాక్స్ కాఫీలు తీసుకురావాలన్నారు. వివరాలకు 90101 11178, 96407 14704, 83419 24283 సంప్రదించాలని కోరారు.