రేపు ఓయూలో జాబ్‌మేళా 

హైదరాబాద్ సిటీబ్యూరో, నవంబరు 24 (విజయక్రాంతి): ఉస్మాని యా యూనివర్సిటీలోని ఎంప్లాయీమెంట్ బ్యూరో ఆఫీస్‌లో మంగళవారం అపోలో ఫార్మసీ ఆధ్వర్యంలో జాబ్‌మేళా నిర్వహిస్తున్నట్టు వర్సిటీ అధికారులు ఆదివారం ఒక ప్రకటనలో తెలిపారు. వంద ఫార్మసిస్ట్, అసిస్టెంట్ ఫార్మసిస్ట్ పోస్టులను ఈ జాబ్‌మేళా ద్వారా భర్తీ చేయనున్నారు.

డీ ఫార్మసీ, బీ ఫార్మసీ, ఎం ఫార్మసీ, డిగ్రీ చేసిన 18 నుంచి 35 ఏండ్ల లోపువారు అర్హులన్నారు. మరిన్ని వివరాలకు అపోలో ఫార్మసీ హెచ్‌ఆర్ మేనేజర్ టి. రఘుపతిని 82476 56356 నంబర్‌లో సంప్రదించాలన్నారు. విద్యార్హత సర్టిఫికెట్ల జిరాక్స్‌తో యూనివర్సిటీలోని ఎంప్లాయిమెంట్ బ్యూరో కార్యాలయం వద్ద ఉదయం 11 గంటల్లోగా అభ్యర్థులు నేరుగా హాజరుకావాలని పేర్కొన్నారు.