హైదరాబాద్ సిటీబ్యూరో, నవంబర్ 22 (విజయక్రాంతి) : ఉస్మానియా యూనివర్సిటీలో ఈనెల 26న జాబ్‌మేళాను నిర్వహించనున్నట్లు ఓయూ ఎంప్లాయిమెంట్ బ్యూరో అధికారులు తెలిపారు. ఓయూ ఆర్ట్స్ కాలేజీ ఎదురుగా ఉన్న ఎంప్లాయిమెంట్ బ్యూరో కార్యాలయంలో నిర్వహించబోయే ఈ జాబ్‌మేళాలో అపోలో ఫార్మసీ ప్రైవేట్ లిమిటెడ్ కంపెనీలో 100 ఫార్మాసిస్ట్ పోస్టులకు సంబంధించి నియామకాలు చేపట్టనున్నట్లు నిర్వాహకులు శుక్రవారం ఒక ప్రకటనలో తెలిపారు.

రూ.14,800 నుంచి రూ.25వేల వరకు వేతనం ఉంటుందని పేర్కొన్నారు. బీఫార్మసీ, డీ ఫార్మసీ, ఎం ఫార్మసీ, డిగ్రీ చేసిన.. 18నుంచి 35ఏండ్ల వయసున్న వారు ఈ ఉద్యోగాలకు అర్హులని చెప్పారు. మరిన్ని వివరాలకు హెచ్‌ఆర్ రఘుపతిని 82476 56356 నంబర్‌లో సంప్రదించాలని సూచించారు.