రాకేశ్ వర్రే టైటిల్ రోల్ పోషిస్తున్న చిత్రం ‘జితేందర్‌రెడి’్డ. విరించి వర్మ దర్శకత్వం వహించిన ఈ సినిమా నవంబర్ 8న ప్రేక్షకుల ముందుకు రానుంది. ఈ చిత్రానికి సంబంధించిన ట్రైలర్ అందరినీ ఆకట్టుకుంది. 1980 కాలంలో జగిత్యాల చుట్టు పక్కల జరిగిన యధార్థ సంఘటనల ఆధారంగా ఈ సినిమాను తెరకెక్కించారు.

కాలేజీ రోజుల నుంచే ప్రజా సమస్యల కోసం పోరాడుతూ దేశం కోసం, ధర్మం కోసం నక్సలైట్లతో జితేందర్‌రెడ్డి చేసిన పోరాటాన్ని ఈ సినిమాలో చూపించారు. ఆ తర్వాత జితేందర్‌రెడ్డి రాజకీయాల్లోకి రావడం, అప్పట్లో ముఖ్యమంత్రిగా ఉన్న సీనియర్‌తో మాట్లాడటం వంటి అంశాలను ట్రైలర్‌లో చూపించారు.

యాక్షన్ డ్రామాగా రూపొందుతున్న ఈ చిత్రానికి డైలాగ్స్ ప్రధాన ఆకర్షణగా నిలుస్తున్నాయి. ముదుగంటి క్రియేషన్స్‌పై ముదుగంటి రవీందర్‌రెడ్డి ఈ చిత్రాన్ని నిర్మించారు. ఈ సినిమాలో వైశాలి రాజ్, రియా సుమన్, ఛత్రపతి శేఖర్, సుబ్బరాజు, రవిప్రకాశ్ తదితరులు కీలక పాత్రలు పోషించారు.