పెద్దపల్లి మైనింగ్ ఏడి శ్రీనివాస్

పెద్దపల్లి, (విజయక్రాంతి): పెద్దపల్లి జిల్లా తురకల మద్దికుంటలో శుక్రవారం రాత్రి అక్రమ మట్టిని తరలిస్తున్న ట్రాక్టర్ ను జేసిబి సీజ్ చేసినట్టు పెద్దపల్లి మైనింగ్ ఏడి శ్రీనివాస్ తెలిపారు.  పెద్దపల్లి మండలంలోని తురుకల మద్దికుంటలో రాత్రిపూట అక్రమంగా జెసిబితో తోడి టిప్పర్ లో మట్టి తరలిస్తున్నారని సమాచారం మేరకు జిల్లా మైనింగ్ ఏడి శ్రీనివాస్ తన సిబ్బందితో కలిసి గ్రామానికి వెళ్లి మాటు వేసి అక్రమంగా మట్టిని తరలిస్తున్న టిప్పర్ ను జెసిబిని పట్టుకొని సీజ్ చేసి పెద్దపల్లి పోలీస్ స్టేషన్ కు తరలించారు. ఎలాంటి అనుమతులు లేకుండా రాత్రిపూట ఇసుక, మట్టిని తరలిస్తే కఠిన చర్యలు తప్పవని ఏడి శ్రీనివాస్ హెచ్చరించారు. ఆయన వెంట ఆర్ఐ వెంకటగిరి, ఎస్ఆర్ఓలు షబ్బీర్, శ్రీకాంత్ తదితరులు ఉన్నారు.