బీసీ సంక్షేమ సంఘం జాతీయ అధ్యక్షులు జాజుల శ్రీనివాస్ గౌడ్...

మునుగోడు (విజయక్రాంతి): మునుగోడు మండలం కోతులారం గ్రామానికి చెందిన కాంగ్రెస్ పార్టీ సీనియర్ నాయకులు, బీసీ సామాజిక వర్గానికి చెందిన వీరమల్ల నరసింహ గౌడ్ (70) అనారోగ్యంతో సోమవారం తెల్లవారుజామున స్వగృహంలో తుది శ్వాస విడిచారు. బీసీ సంక్షేమ సంఘం జాతీయ అధ్యక్షులు జాజూల శ్రీనివాస గౌడ్ ఆయన భౌతిక కాయాన్ని పూలమాలలు వేసి నివాళులు అర్పించారు. వారి కుటుంబ సభ్యులను పరామర్శించి, ఆయన మృతి పట్ల తీవ్ర విచారం వ్యక్తం చేసి మాట్లాడారు. నరసింహ బడుగు బలహీన వర్గాలకు తీరనిలోటని, కోతులారం గ్రామానికి  నరసింహ గౌడ్ చేసిన సేవలు మరువలేనివని గ్రామాభివృద్ధికి ఎంతో పాటుపడిన గొప్ప మనిషి అని ఆయన కొనియాడారు.

ఈ కార్యక్రమంలో కాంగ్రెస్ పార్టీ మండల అధ్యక్షులు భీమనపల్లి సైదులు, మాజీ జెడ్పిటిసి జాజుల అంజయ్య గౌడ్, పాలకూరి యాదయ్య గౌడ్, బూడిద లింగయ్య యాదవ్ తాజా మాజీ గ్రామ సర్పంచ్ జాజుల పారిజాత సత్యనారాయణ గౌడ్, మాజీ సర్పంచ్ జాజుల వెంకటేష్, కాంగ్రెస్ నాయకులు ఒట్టి కోటి శేఖర్, నాయకులు గురజానరసింహ గౌడ్, ఒట్టి కోటి వెంకటేష్ కొండూరు నరసింహ, కర్ణాటక అంజయ్య, జాజుల వెంకన్న, ప్రసాద్ యాదవ్, జాజుల నరసింహ, గుండు రవి, నల్లవెల్లి లింగయ్య, ఏపూరి యాదయ్య, అయిత గోని, శ్రీశైలం పాల్గొన్నారు.