1. పీకేఎల్-11వ సీజన్
2. మరో మ్యాచ్‌లో తెలుగు టైటాన్స్ ఓటమి

నోయిడా: ప్రొ కబడ్డీ లీగ్ (పీకేఎల్) 11వ సీజన్‌లో హర్యానా స్టీలర్స్ జోరు ప్రదర్శిస్తోంది. శనివారం నోయిడా వేదికగా జరిగిన మ్యాచ్‌లో హర్యానా 43-30 తేడాతో జైపూ ర్ పింక్ పాంథర్స్‌పై విజయాన్ని అందుకుం ది. వన్‌సైడ్ జరిగిన పోరులో హర్యానా ఆది నుంచి దూకుడు ప్రదర్శించింది.

హర్యానా తరఫున రెయిడర్లు వినయ్, శివమ్ పటారే చెరో 11 పాయింట్లు సాధించి విజయంలో కీలకపాత్ర పోషించారు. జైపూర్ తరఫున అర్జున్ దేశ్వాల్ 13 పాయింట్లు సాధించాడు. ఇక తెలుగు టైటాన్స్ హ్యాట్రిక్ విజయాల తర్వాత మళ్లీ ఓటమి చవిచూసింది. తెలుగు టైటాన్స్ 28-31 తేడాతో గుజరాత్ జెయిం ట్స్ చేతిలో ఓటమి చవిచూసింది.

తెలుగు టైటాన్స్ తరఫున విజయ్ 15 పాయింట్లతో సూపర్-10 సాధించినప్పటికీ లాభం లేకపోయింది. ఆశిష్ నర్వాల్ 7 పాయింట్లు సాధించాడు. గుజరాత్ జెయింట్స్ తరఫున పర్తీక్ దహియా 11 టాకిల్ పాయింట్లతో మెరవగా.. గుమన్ 5 పాయింట్లతో రాణించాడు. నేటి మ్యాచ్‌ల్లో పునేరితో బెంగాల్, పట్నాతో యూపీ తలపడనున్నాయి.