రాకింగ్ రాకేశ్ కథానాయకుడిగా నటిస్తున్న మూవీ ‘కేశవ చంద్ర రమావత్’ (కేసీఆర్). గ్రీన్ ట్రీ ప్రొడక్షన్స్ నిర్మిస్తున్న ఈ మూవీకి గరుడవేగ అంజి దర్శకత్వం వహించిన ఈ సినిమాలో అనన్య కృష్ణన్ హీరోయి న్‌గా నటిస్తోంది. ఈ నెల 22న రిలీజ్ కాను న్న సందర్భంగా హీరో రాకింగ్ రాకేశ్ గురువారం విలేకరుల సమావేశంలో సినిమా విశేషాలను పంచుకున్నారు. “కమెడియన్ ఏ పాత్రనైనా చేయగలడు. ఇంతకుముందు బ్రహ్మానందం లాంటి నటులు ‘బాబాయ్ హోటల్’ సినిమాతో అది నిరూపించారు.

అప్పట్లో  చలం గారు ‘లంబాడోళ్ల రామదాసు’ అనే సినిమా చేశారు. అలా నేను ఈ సినిమా చేశాను. కథ రాసుకున్నప్పుడు టైటిల్ ‘మేరా నామ్ కేసీఆర్’ అని పెట్టుకున్నా. ఈ కథలో హీరో పేరు కేశవ చంద్ర రమావత్.. అంటే కేసీఆర్. అది కల్వకుంట్ల చంద్రశేఖరరావు ఇనిషియల్. అందుకే నా కథను పార్టీలో సబ్మిట్ చేసి ఈ టైటిల్ తీసుకువచ్చా. నాకు ఏ పార్టీ లేదు, నా పార్టీ.. సినిమా పార్టీ. సినిమాలో కేసీఆర్ గురించి ఉంటుంది. అద్భుతమైన కూడా కథ ఉంటుంది.

ఈ శుక్రవారం చాలా సినిమాలు ఉన్నాయి.. -నా సినిమాలో కేసీఆర్ నటించారు. అదే నా సినిమాకు ఓపెనింగ్స్ తీసు కొస్తుంది. ఆయనకు తెలియకుండా ఆయ న్ను పెట్టి సినిమా తీశా. ఇలా ఈ సినిమాలో చాలా మ్యాజిక్కులు ఉన్నాయి. ఈ సినిమా టికెట్ రేట్స్ తగ్గించాం” అని చెప్పారు.