బాలీవుడ్ భామ శ్రద్ధా కపూర్ వరుస సినిమాలతో దూసుకెళుతున్నారు. మంచి స్క్రిప్ట్ ఎంచుకుని మరీ నటిస్తూ విజయం సొంతం చేసుకుంటున్నారు. ‘స్త్రీ 2’ తో మంచి విజయం అందుకున్నారు. తరువాత ‘నాగిన్’ అనే చిత్రంలో నటించనున్నారు. ఈ సినిమా లో ఒక ఆసక్తికర పాత్రలో శ్రద్దా నటిస్తున్నారు. రణబీర్ కపూర్‌తో కలిసి శ్రద్ధా నటించిన ‘లవ్ రంజన్’ పూర్తున వెంటనే ‘నాగిన్’ షూటింగ్ జరగాల్సి ఉంది.

వీఎఫ్‌ఎక్స్‌తో చాలా ఉన్నతంగా సినిమాను తీర్చిదిద్దనున్నారంటూ వార్తలు రావడంతో ప్రేక్షకుల్లోనూ ఆసక్తి పెరిగింది. పైగా ఈ చిత్రంలో శ్రద్ధా కథకు అనుగుణంగా పాములా మారిపోతుందంటూ వార్తలు రావడంతో అంచనాలు బాగా పెరిగాయి. అయితే సినిమా చిత్రీకరణ ఆలస్యమవడంతో ఈ చిత్రం ఆగిపోయిందని అంతా భావించారు. కానీ శ్రద్ధా ‘నాగిన్’ ఆగిపోలేదట. త్వరలోనే షూటింగ్ జరగనుందట.

ఈ విషయాన్ని చిత్ర నిర్మాత నిఖిల్ ద్వివేది ఓ ఇంటర్వ్యూలో స్వయంగా వెల్లడించారు. ఈ సినిమా వచ్చే ఏడాది పట్టాలెక్కనుందని తెలుస్తోంది. గత ఏడాది శ్రద్ధా నటించిన ‘తు ఝూటీ మే మక్కర్’ సినిమా మంచి విజయం సాధించింది. ఈ ఏడాది ‘స్త్రీ 2’తో ఇప్పటికీ వార్తల్లో నిలుస్తున్నారు. ‘స్త్రీ 3’లో సైతం శ్రద్ధాయే నటిస్తున్నట్టు వార్తలు వస్తున్నాయి. ‘నాగిన్’ సినిమా శ్రద్ధాకు ఏ మేరకు కలిసొస్తుందో చూడాలి.